NUN PRECISAMOS LOS EXÉRCITOS. GASTU MILITAR 0%
Comienza la campaña por la Objeción Fiscal a los Gastos Militares.
Lunes 6 de mayo, a las 11,30 frente a Hacienda AEAT en Xixón, La campaña asturiana por la Objeción fiscal a los gastos militares ofrecerá a los medios y al público los motivos, y los mecanismos sencillos para hacer Objeción Fiscal a los gastos militares en la declaración de la renta.
Según se fai más aguda la crisis, les persones cada vez tamos más familiarizaes colos conceptos de la economía. Delda, prima de riesgu, liquidez, y sobre manera una pallabra: recortes.
Les tisories de los gobiernos, remanaes polos capitales de dientro y de fuera, paecen nun tener fuelgu. Les diverses alministraciones estatales y autonómiques, sían del partíu políticu que sían, reducen gastos equí y allá. Frénense tou tipu d’inversiones, adelgácense les plantíes, mengüen los sueldos. Hasta se toquen sectores tan sensibles como la salú, la ensiñanza obligatoria, les pensiones, los servicios sociales, la solidaridá. Ello va de la mano d’una mayor presión qu’estrangula, saquia y emprobez a la población a base de xubes d’impuestos, la combinación col aumentu de precios de la enerxía y l’empeoramientu llegal de les condiciones del trabayu asalariáu y autónomu.
Esti tsunami d’axustes paez qu’a la final llegó a inundalo too. ¿Too? Non.
Hai una institución que siempre resistió y resiste a cualquier tipu de recorte. Trátase del exércitu. Una vez más, el militar ye’l gastu que menos mengua. Ayudáu pola poción máxico de la opacidá y el camuflaxe en milenta partíes, y tamién pol desaxuste ente lo que se presupuesta y lo que se gasta daveres. Nesti contestu nel que tamos, les persones tenemos que tomar mayor conciencia si cabe de cuáles son les nueses necesidaes.
¿La nuesa prioridá ye la especulación, el beneficiu económicu y la seguridá?, ¿o ye cubrir les necesidaes básiques de toles persones? ¿Son los exércitos una necesidá social real? ¿Los menos de mil puestos de
trabayu de les fábriques d’armes d’Asturies xustifiquen l’usu mortal de los sos "productos"?
Dende la Campaña Asturiana pola Oxeción Fiscal al Gastu Militar declaramos que la institución militar nun mos aporta nada como sociedá, al marxe de les considerances étiques sobre la so esistencia, que nun hai que dexar de
faer enxamás. Si hai dalgo de lo que podamos prescindir ye del exércitu. Si hai dalgo que pue y tien que se recortar son les fuercies armaes. Ye hora yá d’escomenzar a falar de l’abolición del exércitu y de la recuperación pa la sociedá de los recursos que devora.
- Inicie sesión para comentar