Charla: “Quérennos en soidade, terannos en común” en A Coruña

Solapas principales

Poñerlle voz e corpo ás loitas veciñais na defensa do ben común. Coñecer as resistencias que se tecen para frear os intereses especulativos e electoralistas, colocando a vida e os dereitos sociais no centro. Reflexionar sobre a solidariedade e o apoio mutuo como ferramentas fronte a represión das que denuncian e traballan pola xustiza social.

Para abordar todo isto e moito máis contaremos con activistas da Asembleia Aberta de Coia e de Elviña Non Se Vende, nesta palestra-colóquio que terá lugar o 24 de novembro ás 20hs no Centro Social A Comuna (Verea do Polvorín, 35 A Coruña). A presentación correrá a cargo de Mari Fidalgo, activista feminista e polos dereitos sociais.

Tamén proxectarase o curtametraxe #MoitoPeixeRompeARede, unha peza de 8 minutos que fai un repaso polos meses de loita veciñal na rotonda de Coia e polas consecuencias da mesma.

Esta actividade, organizada polo CS A Comuna e a Asembleia Aberta de Coia, está enmarcada na campaña de solidariedade con Diego Lores, unha das persoas represaliadas pola loita contra a instalación do barco Bernardo Alfageme nunha rotonda do vigués barrio de Coia.

Etiquetas: