Non ao TTIP, CETA, TPP e TISA! Non á ditadura do capital!

Chamamento do Día de Acción Global:

"Comercio en beneficio do pobo, non das multinacionais"

Nós, as organizacións sociais, sindicais, campesiñas e activistas de base de ambas as beiras do Atlántico, opoñémonos ao TTIP, CETA, TPP e TiSA. Estes tratados comerciais conculcan a democracia e a soberanía dos pobos, ameazan os servizos públicos, os dereitos sociais e laborais, a protección ambiental, poñen en perigo a agricultura sostíbel e a soberanía alimentar, eliminan garantías e controis farmaceúticos, supoñen un atranco para a indispensábel transición enerxética e van na liña de continuar a nos impor un modelo de sociedade ao servizo dos intereses do capital e da explotación da maioría social.  Xs únicxs beneficiarixs destes acordos son as grandes empresas transnacionais e o capital financeiro e bancario.